Reflexións de un noctámbulo

Reflexións de un noctámbulo

-A inutilidade da poesía radica tan só nos filopoetas-

 

Canso de vagar pola "caixa tonta",

embarco na gamela

e navego pola rede.

 

O meu rato-timón bota chispas

de tanto navegar.

 

Percorro as augas da cibernética

na procura dalgunha illa

de interese socio-kultural;

E navego entre virus-tiburóns

que intentan remexer no meu disco duro.

 

Canso de tanto bogar

déixome levar polos ventos da web.

 

A noite vaise fundindo no día

e torno canso de tanto viaxar.

 

Polo camiño atopo peixes de ás quebradas,

son os filopoetas.

Métome na cama e durmo,

durmo,

durmo,

durmo…

 

Manoel Xosé

 

 

 

Filopoeta: Dise de aquel (a) que practica a Filopoesía

Filopoesía: Adorno "ornamental" de cortes académicos