QUEN GOBERNA SON OS CARTOS
Nun leito de follas murchas
durmirá o meu corpo quedo,
nunha viaxe sen volta
que vai preparando o tempo.
A porta da miña casa
pecharana con cemento,
pero eu fuxirei axiña
por ver si atopara o ceo.
Din que alí non hai tristura,
todo é ledicia e sosego,
que non hai pobres nin ricos,
criados nin cabaleiros.
Onde non existe envexa,
tampouco novos nin vellos,
alí todos son iguais,
amarelos, brancos, negros.
Que deus non escolle razas
para poder entrar no ceo,
quen escollen son os homes
neste mundo traizoeiro.
Que ó pobre písao o rico
e ás leis quen ten diñeiro,
o que chaman cacicada
e caciques hai a centos.
Quen gobernan son os cartos,
dime ti que non é certo.
Isaura Lago
(Segunda Antoloxía do Grupo Poético Brétema)
3 comentarios:
Isaura querida ,todo lo que yo pueda decir de ti es poco ,eres una gran,poeta y me gustan mucho mucho tus poesias,besiños teresa.
Isaura, no es que no me guste tu poema, que me gusta, pero me gusta más la verdad que dices, eso es enseñanza para abrir los ojos de quienes todavía los tienen cerrados. Saludos.
Isaura, toda tu poesía es delicia de agua clara, es remanso, es descanso, es perfume que embriaga. Ceneme
Publicar un comentario
" Piensa si lo que vas a decir es más hermoso que el silencio"