Grupo Poético Brétema de Vigo

MANOLO, fixemos un anaco do camiño xuntos

enfiando verbas,  amolecendo versos.

Fálacheme de Rinlo,

o teu pobo mariñeiro;

e do achado
do nacemento do Miño,

burlando enciclopedias

e xeografías

tan acochado debaixo dun pedregal.

Compartimos tamén apelido

e por iso cando nos atopabamos

o noso saúdo era:

"hola prima, hola primo".

Chegou a hora

de que o grupo brétema

te renda homenaxe.

Eu quero sumar e lembrar

con agarimo

a ese bardo galego

que comezaba saudando

a donas e cabaleiros.

Grazas pola túa compaña, meu cabaleiro.

Rosa María Vázquez Romay

Grupo Poético Brétema