A voz da mala conciencia

A voz da mala conciencia

Es sospeitoso de ser libre,

polo tanto voute aconsellar

que busques un traballo disfrazado

e te deixes de divagar.

Necesitas ter diñeiro

para non tocar no meu;

así soltamos coellos no monte

para que non baixe o lobo arreo.

A nos debería darnos alegría ser servizais,

pero ti riste da nosa graxa que empeza amarelar .

Non entendemos como te xubilaches os corenta,

cando a nosa lei e que o espiñazo ben dobrar

é unha preparación para a morte na que non hai que pensar.

Os burgueses dinche: berberechos, linguado, e chuletón;

os vexetarianos que mais sufrimento animal non;

por non contradicilos  bebes insípidos licores.

Moita idea preconcibida  non sae de ti nin con fórceps,

traes a novidade cun verso de amor de nai.

A auténtica revolución é o cambio de conciencia

escoitáronte berrar,

eles fan oídos pechos,

mil voltas dan no muíño da súa ciencia...

Vas ter que emigrar e cantar en galego

onde teñan que traducir teu sentimento.

Xermán de C.

(Vigo)