DA BRÉTEMA NACIN

Eu levo dentro do peito

os meus versos moi metidos,

nun pozo eu os gardo

como un tesouro querido.

Mesturados teño moitos

e con traballo os quito,

para facer un regalo

a estes os meus amigos

Gústame recitalos todos,

antes teño que escribilos

dándolles forma axeitada

para poder corrixilos.

Ós meus queridos poetas

que o meu traballo escoitan,

quero deixar esta aperta

plasmada entre as miñas notas.

Recibíronme sen máis

Déronme un lugar na horta

Onde plantan a semente

Para faceren tantas obras.

Os venres son para min

Como para o pescador a dorna

Eu por fin teño poetas

que as miñas verbas escoitan

A todos meto no peito

mesturados por igual,

cada verba que eu escriba

vanas todas escoitar .

Gardo tódolos meus versos

como escritora que son

O grupo "Brétema" deume

Un nome como blasón.

Teresa Cariño