TÍ
Careces de decisión
para impoñer a túa verdade,
por iso con educación
mostras suavidade.
Fas a revolución
co teu pensamento,
evolucionas con preocupación,
rexendo o teu talento.
Adoras a natureza
e as súas verdades,
contemplas a beleza
e as súas facultades.
A soidade e o silencio,
para ti son relevantes,
para dialogar co que
che resulta interesante.
Ti, que es receptiva
ao aire de cada día,
que gozas na perspectiva
da ledicia da familia.
Indecisa, moderada,
reflexiva, concentrada,
das túas distincións,
liberada e namorada.
Rosa Martínez Méndez
Grupo Poético Brétema
No hay comentarios:
Publicar un comentario
" Piensa si lo que vas a decir es más hermoso que el silencio"