A MIÑA AVOA ROSALÍA
A ti, miña queridiña, van os meus recordos,
que nunca esquecerei.
porque ti soubeches chegar a miña alma branca,
enchéndoa de sensibilidade
e das máis fermosas cores.
Foi un sono ou realidade,
síntote xunto a min
e achego a miña cabeza no teu colo
e óiote falar, contarme cousas fermosas,
cousas da vida, e quedo ensimesmada,
agora choro, agora río.
Logo penso e sinto
que o meu corazón suspira
sen estar lonxe e sofre sen ter dor.
Porque agora, sen estar ti, miña queridiña,
óiote no mar, chéirote nas flores,
óiote no campanario e nas fontes,
logo ao sentir a gaita,
non sei se choro, non sei se río.
Miña avoa, queridiña Fada da miña Terra,
¿Que encantamento fixeches comigo?
Xa lembro, dúas floriñas,
un piar de paxariños,
o orballo dos piñeirales,
media ducia de estreliñas
e tres gotiñas do mar,
un raio de lúa chea,
dous suspiros namorados.
Gelu García Susavila
Grupo Poético Brétema
No hay comentarios:
Publicar un comentario
" Piensa si lo que vas a decir es más hermoso que el silencio"