Salaios no vento
Oín cantar ó vento
salaios da miña vida,
sentín pasar ó tempo,
ti non estabas, querida.
Perdido vou polas nubes
de ceos encapotados
Estou só, se ti non subes.
Estou só e abandonado
Oín cantar ó vento
un pranto na lonxanía.
Hoxe, esperto, entendo,
da miña vida, saías.
Perdido vou polos mares
entre as húmidas brétemas.
Estou só, ti ben o sabes.
Estou só, se ti me deixas
Oín cantar ó vento,
nas altas copas dos "pinos".
Fungaban rumorosos,
falaban do noso sino
Perdido vou polos montes,
xa non vexo o camiño
Non hai follas nas árbores.
Xa non hai agarimos
Oín cantar ó vento
nas ondas da marusía.
Sufrín de soidades
como as sufren os vixias.
Perdido vou nos ventos
que zoan na noite fría.
Só teño sufrimentos
a cotío, día a día
Oín cantar ó vento
un saúdo de benvida.
Coidei que era certo,
quixen dubidar aínda.
Perdido vou polo tempo,
lonxe, moi lonxe de ti
Agora que estou desperto,
choro por ti e por min
Oín cantar ó vento...,
xa non cantaba pra min.
Santiago González Brañas
1 comentario:
Bienvenido Sr. Brañas, a esta casa que siemre fue suya y dónde estas impacientes por recibir sus genialidades. Enhorabuena
Publicar un comentario
" Piensa si lo que vas a decir es más hermoso que el silencio"