TI E EU, E NÓS E VÓS
Somos nós, nós os poetas,
noitedumes, mañás claras,
somos choivas, somos soles,
ceus azuis, nubes raudas.
Voamos cal bolboretas
polas flores abraiadas
e deixamos nos espiños,
nosas almas mergulladas.
Pétannos no corazón
sentires que nos reclaman,
que nos afogan por dentro,
inquedanzas que nos chaman.
Ti e eu nesa procura,
compañeira nas andanzas,
ti e eu, e eu e ti,
sempre ó carón da palabra.
Sempre fiando cas verbas,
as nosas mellores armas,
espallando en cada prego,
unha ledicia... unha mágoa.
Ti e eu, e nós e vós,
dende Brétema, en xuntanza,
treito a treito, día a día,
nas leiras da poesía,
xuntos na mesma lembranza.
Isaura Lago
2 comentarios:
Que delicia Isaura ver como relucen tus dones de Poeta,besiños teresa
Isaura, gracias por caminar con nosotros en busca de esa complacencia mutua de participar a todos como sientes.
Publicar un comentario
" Piensa si lo que vas a decir es más hermoso que el silencio"