Grupo Poético Brétema de Vigo

CANDO TOCA UNHA GAITA

 

Cando toca unha gaita,

choran os sentimentos,

e cantan alegres os galegos,

porque Galicia esperta

do seu mesturado enredo.

 

Gaita, gaitiña miña,

ti tes moitas quimeras,

moitas penas e ledicias,

leva ti no inchado fol

para cantarlle a Galicia.

 

A gaita ben tocada,

sinte arumes de muller,

quen non quere escoitala gaita,

non sabe o que e querer

a muller que tanto ama.

 

Anselmo Prada León

Grupo Poético Brétema