Grupo Poético Brétema de Vigo

EICHE CONTAR

¡Eiche cantar miña raíña...

un cantar da miña terra...!

Que fale de fadas fermosas,

que fale de noites

de claro luar,

que fale tamén dun embruxo

para ter sorte.

¡Eu che ei de namorar

que fale, que siga falando,

esa cantiga cantareira...!

Mentres tanto ti a escoitas...

escoitando...

e coa mesma, vaste de min

namorando.

Deixa...

Escoita... e que siga falando

a cantiga..., para ti adicada

¡Mágoa que eu non a cante,

magoa que eu

non sei cantala!

Eu so canto co corazón

e devólvoche en sorrisos

para ti miña raíña...

¡Para ti miña doce namorada!

ao son dunha vella gaita,

ao son a toca o gaiteiro!

Esta cantiga fermosa

vai para ti miña prenda,

miña alma, miña rosa,

co fin de namorarte,

co fin de conquistarte

xa dunha vez por todas.

Eiche cantar miña raíña,

¡Un cantar da miña terra!

Consuelo María Conde Feijoo

Grupo Poético Brétema