CARTAS AO AMOR
Nestas tardes quediñas do mes de maio,
cando o arco da vella loce entre os campos,
mentres medran as flores polos valados,
e as nosas bolboretas voa danzando
déixame que che fale amor,
a verba mais fermosa que leva o dicionario
ai amor, amor magnitude de pensamentos
conxunto de paixóns, poemas inacabados
sorriso e tristura, bicos espontáneos
agarimos, dozura, humildade esperanza,
ti non te afastes amor
acóllete nas nosas casas,
alumea os corazón de aqueles que mandan,
sementa xustiza entre pobos e razas,
amor para os nenos, para aquel que agarda
a ese gato que temos, a ese can, a esa planta,
os pisquillos e as pombas, a esas rias e as praias
a esa nosa terrina que a levo na alma,
galiciña, Galiza, che de amor e de magoas
onde brilla seu nome como una noiva branca
neste dia de maio, que as súas verbas proclama
no teu folclore enxebre, dende vilas e prazas
dende pobos e aldeas, hasta o vento che canta
en amor liberdade un cantar a esperanza.
Isaura Lago Álvarez
Grupo Poético Brétema
No hay comentarios:
Publicar un comentario
" Piensa si lo que vas a decir es más hermoso que el silencio"