Grupo Poético Brétema de Vigo

NADAL

(Non o tenista)

Cada ano se axunta

a familia moi unida

desexando celebrar

con ledicia este Nadal,

máis pode faltar algún

que se pode recordar

pois a vida é un vaivén

que cando quere che leva.

Brindemos os que aquí estamos

Lembrando aos que se foron

quen sabe se noutro mundo

celebrarán todos xuntos

a festa que imaxinamos,

só coa nosa ficción.

Comamos sempre de abondo,

bebamos, pero con xeito,

namentres aquí estamos,

nosa vida é un paseo

cando estamos neste mundo,

calquera día inesperado

nos din sen case avisarnos

que se acabou o camiño

que nos tiñan asignado.

Polo tanto compañeiros,

aproveitemos o tempo

que nos teñen concedido,

canto é non o sabemos.

Vivamos este Nadal

bailando e tamén cantando

sempre en boa compaña

repetindo para o ano

tódolos que aquí estamos.

Cantaremos panxoliñas

para recibir ao neno

nesta festa popular.

Mariano Marcos de Abalo

Grupo Poético Brétema