Grupo Poético Brétema de Vigo

NUBES PENDURADAS

Nubes penduradas ao redor do ceo,

nubes grises e negras no inverno,

nubes brancas de algodón que

empurradas polo vento crébanse

e volven a xunguirse na loucura,

carreira do tempo.

Noite escura estrelecida

por unha sementeira

de estrelas floridas,

lapexan tremelucentes

no máis alto firmamento

escintilando todo o tempo.

De nova non me coñecía non tiña tempo

agora de maior voume coñecendo,

gústame moito ler para mais saber

e dos nosos grandes homes aprender

a historia e sentir a emoción

de levala na memoria.

Candela Fernández Mouriño

Grupo Poético Brétema