POEMA DE NADAL
No momento de escribir estes versos
arrolada polo equinoccio de outono
un manto de algodón espállase
polo ceo.
Un brincadeiro sol semella xogar
ás agochadas,
aínda non vai frío
máis o ambiente invita
a ir preparando o fogar.
O primeiro de todo, o NADAL
tempo de familia, lembranzas e ilusións,
poder estar xuntos un ano máis
sabendo que é un agasallo
que por desgraza non sempre
vai durar.
Lembranzas para as/os que están lonxe, para as/os idos,
para aquelas/ es sen fogar.
Ilusións que non nos falten
para o ano a piques de comezar,
e ti e máis eu
eu e máis ti
unha mesa
e o noso pan
parece pouco cando o tes
pero se faltase…
non neste NADAL.
Rosa
María Romay
Grupo Poético Brétema
No hay comentarios:
Publicar un comentario
" Piensa si lo que vas a decir es más hermoso que el silencio"