Grupo Poético Brétema de Vigo

A UN NETO

A UN NETO

Teño un neto churrusqueiro

que non me pide xoguetes,

quere contos felices,

eu doulle “carrete”.

- Avó, cóntame contos

que non sexan de guerras

senón de tempos felices

que coñeciches na terra.

-¡Ai, querido netiño!,

eu non che son contacontos,

os que os contan son uns listos

a quen escoitan outros tontos.

- Prométenche venturas,

benestar, riquezas,

non sabes para quen falan,

para ti non, con certeza.

- Eu  trabálloche  arreo,

sen parar, con meu esforzo,

eles falan e falan

de falar non quedan corto.

- Polo que, querido neto,

mellor douche un xoguete,

non é o que ti queres

é no que teño mais creto.

Santiago González Brañas

Grupo Poético Brétema