CHEIRAS A VIDA E AMOR
¡Xente nosa, terra nosa
bendito folclore de extirpe
paraíso de luz e beleza.!
Música Celta agarimosa
ceos de maná de esmeralda,
erguida raza de patriota
unha orquídea na mañá..
Raio de perla e talismán,
crepúsculo de lume do sol
un vagalume de liberdade,
recanto do Edén para o amor.
Cántico de ambrosía nas praias,
verdes horizontes
de ledicia
as costas cheas de barcas
o real soño de esta Galiza.
Alma de nai terra
berce onde nace a luz
un verxel en primavera
un inmenso ceo azul.
Un mar de belas sereas
un xardín de homes nobres,
mulleres de mirada leda
nunha terra de renome.
O creador esculpiu as rochas,
deu brillo ao ancho dos seus vales
e o pintor pintou as rosas…
da estrela dos mares.
…E da pluma do poeta,
o gran creador de fábulas,
debuxou a Galiza bela
con morriña de esperanza.
A brisa do cálido vento,
dos días preñados de choiva,
a satisfación de vivir o tempo
nas noites de meigallos de lúa.
Solpores que abrazan a ría,
roxos ocasos cheos de cor,
faro de vida que brilla
unha estrela manando calor.
Atracción de fermosos recunchos,
amuleto de belos sendeiros,
un camiño cheo de refuxios,
a morriña que deixa un gaiteiro.
Grupo Poético Brétema
No hay comentarios:
Publicar un comentario
" Piensa si lo que vas a decir es más hermoso que el silencio"