Sombra agoreira


Sombra agoreira

Escoitei mentres falaban,
de ese fin que a todos leva.
O Xoán está maliño,
din que a nadal xa non chega.

E aló por aquela estrada
vaia desgraza que houbera,
que se o fillo do Manolo,
que se o neto da Carmela.

Onde non hai curandeiro
que ese xarope teña,
para ese neno, para ese home,
cando vés sombra agoreira.

E ao lembrarte este meu corpo,
é coma se me encollera.
As miñas pernas, cangallos
cando o vento os abanea.

Que me enche de arrepíos,
que afoga e non me deixa,
que esta luz que agora miro,
no teito da noite pecha.

¡Non! Eu non sei concienciarme,
só prego para que non veña.
Pero ela non me fai caso,
sen piedade a todos sega.

Ten compaixón polos santos,
agarda ti que nos levas,
que esta viaxe é moi curta,
acouga, non teñas presa.

Xa que nos imos contigo,
ese día cando veñas,
que sexa nun anaquiño
con un cento de anos sequera.

¡Ai! Meu paiciño do ceo,
que quizais eu non debera,
hei de acatar o que mandas,
aínda que ás veces non o entenda.



Será que perdín a fe,
¡Ai meu Deus, que me apareza!
Fai que vexa ese teu reino,
éncheme de fortaleza.

E perdoame paiciño,
se pecado cometera.
Pero sería mentira,
que outra cousa aquí dixera.

Eu teño medo da morte,
son débil, ¡maldita sexa!



Isaura Lago
(Grupo Poético Brétema)


Primeiro Premio "X Certame De Poesía Letras Galegas 2013",
 na Asociación Veciñal do Calvario (Vigo).



6 comentarios:

Manoel Xosé dijo...

Mi enhorabuena Isaura, por tan sentida y hermosa poesía y merecido premio. Un abrazo, Manoel Xosé

Anónimo dijo...

Querida Isaura :Con mi limitación hago mía tu oración final "Que yo vea ese tu reino " cuando mi tiempo caduque y lo espero con ojos nuevos
Hago mía también la felicitación que leo de Manoel por el premio que reconoce y valora tu poesía
Isaura felicidades y cariño María Palacios

Anónimo dijo...

Hola Isaura: Tu relato poético es apasionante y
además extenso, tu haces trabajos poéticos con una maestría poco común. Mi enhorabuena por ese importante premio de la Asociación del Calvario.
Cordial y atentamente, Félix Loira

Anónimo dijo...

Buenísimo en forma y contenido y con una maestría en el dominio del gallego que yo quisiera.
Mi felicitación por el merecido premio.
Castro.

Brétema dijo...

Parabens Isaura, por tan fondo e sentida poesía e por tan merecido premio.

Anónimo dijo...

Preciosa Isaura, como todo lo que sale de tu cabeza y de tus letras. Un abrazo, ceneme

Publicar un comentario

" Piensa si lo que vas a decir es más hermoso que el silencio"

Powered by Dhn © 2008-2009 Grupo Brétema • Agrupación Poética Brétema de Vigo • Grupo Brétema
La Agrupación Poética Brétema de Vigo, Se reserva todos los Derechos.