A crise

A crise

Os magnates e banqueiros,

sambesugas de hoxe en día,

ó pé do politicastro

medran e fan vilanía.

Estes novos dirixentes

tratan a un á baqueta;

son animais, fóra a alma,

e as nosas mentes inquedan.

Esta caste de individuos,

ladróns e abominables

fan perder a esperanza

a xente considerable.

Un político actual

dixo que o pasaba mal;

só gañaba uns seis mil!

Que anaco de animal!

Esta clase de suxeitos

non son santos dos meus ollos

e non veñen moito ó caso,

mellor pasar o ferrollo.

Queren ter o mar nun puño

e poñer portas ó campo,

son fatuos e fachendosos

e ás veces usan o lampo.

Teñen a alforxa chea,

pero quérena aumentar,

róubanlle a quen non ten branca

e o pobre ten que esmolar.

Ó paisano contribuinte

déixano polas portas,

polos desafiuzamentos

moitas persoas van mortas.

Por riba só vai haber

xustiza só para ricos;

moito costará un litixio

se non trocan o ministro.

Hoxe andamos cangados

por mor destes desgraciados;

con xustas leis e razóns

á cadea… ou desterrálos.

Xosé Antonio Suárez Aneiros

Cedeira

(A Coruña)