"O patrón"
Ai veñen os da procesión
portando tódolos santos,
¡mi madriña qué emoción!
e a virxen co seu manto
As campás que ben che soan
no alto do campanario,
os nenos que ben as tocan,
repican, repenicando
E cómo estoupan as bombas,
foguetes, moitos estralos,
os ceos cheos da pompa
e de fume engalanados
Hoxe, o día do patrón,
haberá festa rachada,
non faltará o roscón
e baile ata madrugada.
A misa de doce curas
van de branco inmaculado
toda rapaza procura,
neste día estrear algo.
Os homes traxe de pano,
que non falte a gravata,
enfeitados, peiteados
e unha flor na solapa.
Os nenos ben lavadiños
todo o corpo e orellas,
as nenas cos seus riciños
que aos anxos asemellan.
Os mozos agardan o baile
para escoller a parella,
as mozas agardan en balde
ao principe das estrelas.
Mais todos serán felices
neste día do patrón,
e non papan as perdices
porque baratas non son.
Santiago Glez.-Brañas Barreiro
(Grupo Poético Brétema)
6 comentarios:
Bonito poema sobre la fiesta del Patrón, en nuestra infancia y juventud, todos felices aunque no comieramos perdices, hoy con la que se ha montado, tampoco habrá perdices, pero si gato,
digo faisán encerrado.
Saludos maestro, Santiago Gonzalez-Brañas Barreiro.
Félix el que defiende los bichos.
Recordas, Santi, cando na nosa infancia saían os santos todos e, ata o Santísimo o día da nosa patrona, a Virxe do Mar? Diante ian os gaiteiros, os cabezudos, Calel e Jesusiño poñendo orde nas filas..Que tempos!
Vou a mandarche o poema un día destes.
Estou moi ocupado, precisamente compoñendo unha misa.
Unha aperta
Cedeira
X.A. Suárez de Aneiros
Muy buena descripción.
Afectuosamente Daniel
Así son as procesións, sobre todo nos pueblos de Galicia, amigo Brañas.- Saludos, Ceneme
Santiago, me sumo a Xosé Antonio e a Ceneme pois a tua festa pódese aplicar a calquera pobo e costumes da xente de Galicia, non se che escapou ningún detale, nótase que as estrañas como eu. Tempos felices de sorrisos, risas e cantos. Santiago grazas pola túa festa. Unha apreta, manuel carlos.
UN POEMA QUE CANTA A FESTIVIDADE DO PATRÓN.
TODO ESTÁ SALPICADO DAS MELLORES LEMBRANZAS
MISTURADAS COS XEITOS DUNHA ÉPOCA QUE AÍNDA REBULE NO NOSO CORAZÓN.
CANTOS RECORDOS VOAN DESTE POEMA PARA CALQUERA GALEGO SEXA DA MARIÑA OU SEXA DA ALDEA.
FELICIDADES SANTIAGO POR ESTE POEMA.
FRANCISCO DE SOTAVENTO- CEDEIRA
Publicar un comentario
" Piensa si lo que vas a decir es más hermoso que el silencio"