O GALO
Son o galo madrugador,
espelido, fanfarrón,
corpo ergueito, firme paso,
con aires de señorón.
Saltarina a miña ollada
e crista grande, encarnada,
plumas de vistosas cores,
botíns marelos e fortes.
Toco o chifre no poleiro,
pola mañá ben cediño
e as miñas notas son ordes
para tódolos veciños.
En tódolos galiñeiros
da bisbarra e arredores,
contestan os compañeiros
cun robusto aturuxar,
dando a benvida a luzada
dunha mañá limpa e clara.
Pepita Nóvoa
(Terceira Antoloxía do Grupo Poético Brétema)
No hay comentarios:
Publicar un comentario
" Piensa si lo que vas a decir es más hermoso que el silencio"