Grupo Poético Brétema de Vigo

PANXOLIÑA: ¡A MARUXIÑA!

Maruxiña que te gardas

no quente do teu fogar,

ao rematar o traballo

nas veigas do teu coidar

ven con nos na ¡noite boa!

non te fagas de rogar

que esta noite nace o neno

e noite de troulear.

E trae da bodega un bo xerro de viño

un viño da terra, ribeiro, albariño

que náceo o neno, imos a brindar

mira Maruxiña, mira Maruxa.

E por a la por riba

¡Mira quen chega, mira quen chega!

Cantando a rianxeira,

mozos e mozas vellos e vellas

veñen todos cantando

con alegría, con alegría

e o neno que escoitaba

tamén sorria, tamén sorria.

Boliños de leite azucra e canela

ao compás das cunchas e pandeiretas

tocade para o neno que esta noite e festa

e xuntos cantemos esa rianxeira.

A Virxe de Guadalupe

vai cantando panxoliñas

imos todos galeguiños

cantemos con ela axiña.

Ondiñas veñen, ondiñas veñen e van

a Virxe de Guadalupe

para Belén bogando vai,

ondiñas veñen, ondiñas veñen

ondiñas veñen e van

non te vaias choqueiriña

canta con nos no Nadal.

Isaura Lago Álvarez

Grupo Poético Brétema