Silabario da nostalxia
Un recendo a brétema borrifa de gris a mañá
e nas casas baleiras tan só as sombras,
rexas e inquedas,
permañecen e gobernan
Silabario da nostalxia,
ladaíñas...
ladaíñas dun tempo xa esgotado
E no caminiño aquel que vai á aldea,
un adubado de escamas vén adobando na herba,
caminiño de lembranzas...
de cheiros a cecimbre
Silabario da nostalxia,
ladaíñas...
E na praza da aldea
laiase o vento
e nos seus laios
á gaita i o gaiteiro
Silabario da nostalxia,
ladaíñas...
E no centro,
coma xigante vixia,
un cruceiro repenica
ladaiñas…
ladaiñas
Silabario da nostalxia…
silabario
Manoel Xosé
(Grupo Poético Brétema)