As flores
Floriñas do campo
vestidas de azul,
floriñas do campo
de capelo tul.
Floriñas vermellas
que recenden ben,
floriñas vermellas
do cheiro do mel.
A flor máis prezada
da nena noviña,
a flor máis prezada
da doce infantiña.
A flor da noviña,
desexo de amor,
a flor da noviña
xa non ten temor.
Flor da auga santa
procura a rapaza,
flor da auga santa
para ver se casa.
Flor murcha, apagada,
noutrora vivaz,
flor murcha, apagada,
ansía brincar.
Floriña da vida,
lóstrego fugaz,
floriña da vida,
rápida te vas.
Flor do camposanto
que alegras ós mortos,
flor do camposanto,
como fico absorto!...
Así es, meu xasmín.
de albura da neve,
así es, meu xasmín,
miña flor celeste.
O rosal do demo
co fiuncho fresco,
o rosal do demo,
máxico arrecendo.
A flor da roseira,
de vermella cor,
a flor da roseira
alivia a dor.
Recendente lirio
de frondoso talo,
recendente lirio
dos deuses regalo.
Que me boten flores
non devezo, non;
que me boten flores
é adulación.
Alfombra de flores
non quero para min,
alfombra de flores?
… Só un alecrín!...
José Antonio Suárez Aneiros
Cedeira
(A Coruña)
3 comentarios:
Señor, José Antonio Suarez Aneiros, téñoo como poeta de poemas na bela lingua galega, dos que eu aprendo, pero deas pois de ler o seu poema e ver como verso a verso constrúe un fermoso ramo de flores, para o noso deleite. Teño que felicitalo como o poeta das flores. !Vaya lección de botánica! manuel carlos
AS COUSAS MÁIS BELAS DESTE MUNDO SON AS FLORES.
NON HAI FIGURA NIN HUMANA NIN ARQUITECTÓNIOCA QUE SE POIDA IGUALAR A UNHA SIMPLE FLOR.
!
" EU DIGO: QUE CADA UNHA DAS BÁGOAS DERRAMADAS DOS OLLOS DE DEUS,SON AS FLORES DE ESTE PLANETA"
POR ISO NON HAI COUSA NESTA TERRA QUE SE IGUALE Á FERMOSURA E A PROFUNDIDADE DE BELEZA QUE CONTÉN UNHA FLOR.
QUE POUCO LLE CANTAMOS A FLOR...
UNHA APERTA DE SOTAVENTO.
¡Pero por enriba de toso! ¡Felices Festas!
Santi Brañas
Publicar un comentario
" Piensa si lo que vas a decir es más hermoso que el silencio"