A lingua
A lingua é a herdanza
dos nosos ancestros.
A lingua é a cerna
de rexos sentimentos.
A lingua é o sangue,
a lingua é a alma
das veas galegas.
do pobo que clama.
A lingua é un río
que rega a terra,
penetra, fecunda
e sen ela berra.
A lingua é a nai,
o pai, os irmáns,
a terra, o chan,
o sustento e o pan.
Fala mol e fala rexa,
fala da alma e do corpo,
fala que se non falamos
quedaremos sempre orfos.
Porque se morre a fala,
morrerá tamén o pobo,
a parte espiritual
será comesta do lobo.
Teño unha mágoa na alma:
a herdanza de mil anos,
por falla de escrúpulos,
vaise romper en anacos.
Teño unha mágoa na alma
que me fire con dor:
non sei se fixen dabondo
pola fala dos avós.
José Antonio Suárez Aneiros
Cedeira
(A Coruña)
3 comentarios:
Nesa lingua, quixerate dar o mais grande saúdo e agradecemento.
Ou me falta verbas ou me sobra o intento
Santi Brañas
Ten razón o señor Suárez Aneiros, que a nosa fala ven a ser como pan de vida e todos inclusive eu, deberíamos regar máis a Ärbore galega que é a nosa lingua,mais todos sabemos que a nosa lingua non é estranxeira é a nosa fala, o noso idioma e varios parlantes de Bretema tan puco non o falan. pero cada un é libre de facer o que lle dea a gana, pero falar galego eu penso que a todos nos farta e satisface a parola da xente que o fala.
Hai que falalo na rúa hai que falalo na escola, hai que falalo na casa e hai que falalo cos nenos e deixarse de parolas.
Inda que sexa pouco e non se seiba moi ben
hai que falalo e inda que o fales mal, eu dígoche meu amigo, que o fales. Fco. de Sotavento
Ten razón o señor Suárez Aneiros, que a nosa fala ven a ser como pan de vida e todos inclusive eu, deberíamos regar máis a Ärbore galega que é a nosa lingua,mais todos sabemos que a nosa lingua non é estranxeira é a nosa fala, o noso idioma e varios parlantes de Bretema tan puco non o falan. pero cada un é libre de facer o que lle dea a gana, pero falar galego eu penso que a todos nos farta e satisface a parola da xente que o fala.
Hai que falalo na rúa hai que falalo na escola, hai que falalo na casa e hai que falalo cos nenos e deixarse de parolas.
Inda que sexa pouco e non se seiba moi ben
hai que falalo e inda que o fales mal, eu dígoche meu amigo, que o fales. Fco. de Sotavento
Publicar un comentario
" Piensa si lo que vas a decir es más hermoso que el silencio"