Montería
Xa oigo os cornos tocar,
non andan lonxe os monteiros,
o corzo ven a axexar,
fachendoso, a desolar
e a cazar cos compañeiros.
Anda no monte a caterva,
no Ouzal da Capelada.
Vai na herba a miña Cerva.
¡San Andrés da miña terra,
que non se vexa humillada!
Veñen a Deus ofendendo;
os cans e lebreis a ladrar;
xa Don Ares ven xemendo
co seu séquito tremendo
e non se vai arredar.
Un fato de malvados todos,
babexando coma lobos;
non lles chegan as súas donas
porque queren nenas novas
e agóchanse nos tobos.
-Don Ares Pardo de Lago,
señor de este lugar,
por san Andrés e Santiago,
non me obrigues a este trago,
¡déixanos vivir en paz!.
Xa rematou o festín,
abusada, magoada
polos que "nobles" se din.
¡Deus lles dea mala fin
pois ela foi deshonrada!.
Xosé Antonio Suárez Aneiros
Cedeira (A Coruña)
(Xogos Florais de Cedeira do ano 2010)
5 comentarios:
Bo poema romance de esa cerva deshonrada por eses que se din nobles". Ceneme
Ese nobles facían o que querína coas nenas novas e ás escondidas coas más "BOAS" Pobres rapaciñas quweridas que bobicás perseguiron desfacéndovos a hoenra. Poder do poderío que para os pobres era sombra. Gracis por recordarnos eses momentos de abusos basaios e noxos. Eran fidalgos, nobles e poderos DEREITOS DA PERNA TEU AMIGO SOTAVENTO
Ese nobles facían o que querína coas nenas novas e ás escondidas coas más "BOAS" Pobres rapaciñas queridas que vos babicaron e perseguiron desfacéndovos a hoenra. Poder do poderío que para os pobres era sombra. Gracis por recordarnos eses momentos de abusos vasalos e noxos. Eran fidalgos, nobles e poderos DEREITOS DA PERNA . TEU AMIGO SOTAVENTO
Ese nobles facían o que querína coas nenas novas e ás escondidas coas más "BOAS" Pobres rapaciñas queridas que vos babicaron e perseguiron desfacéndovos a hoenra. Poder do poderío que para os pobres era sombra. Gracis por recordarnos eses momentos de abusos vasalos e noxos. Eran fidalgos, nobles e poderos DEREITOS DA PERNA . TEU AMIGO SOTAVENTO
O triste é que nunca faltan lobos, o triste que fose na Capelada,
o triste que inda hoxe todos
non queremos ver a manada.
Unha aperta e sigovos agradecendi a vosa colaboración nas nosas páxinas.
Santi Brañas
Publicar un comentario
" Piensa si lo que vas a decir es más hermoso que el silencio"