Oda a Rinlo
Entre as fermosas rías de Masma e Eo
medran con poesías Foz, Ribadeo
Nos seus lindeiros, hai un lindo
portiño de mariñeiros.
Pequeño en proporción, pero en beleza
de toda a bisbarra vai á cabeza,
porque agarima ve-lo arrular do mar,
que seus pes bica.
Polas ondas mecido e a floresta
dorme no morno estío, prácida sesta,
sutís ondas velan seu doce sono
ó par que frescas frondas.
Encanta ve-lo fero
león amansado
rendirse surrateiro,
acaríñalo; e máis fascina
ve-lo lamber sumiso
na area fina.
Poñen no belo marco
gráciles notas
a Netuno exornando
níveas gaivotas
e, na enramada,
esparce melodías
a orquestra alada.
En fin, mansión de Deuses,
náiades, ninfas,
sílfides, musas ledas,
suaves ondinas
que, de contento,
saciadas de ambrosía
cantan ó vento
Manolo de Rinlo
(Grupo Poético Brétema)
2 comentarios:
Bonito canto a Foz, Ribadeo y a toda la comarca, Enhorabuena, Manolo. Ceneme
Fermoso pobo Manolo e fermoso ese o teu canto, o teu sentir, e admirables e belas esas rias da mariña lucense. Un saúdo, Antonio.
Publicar un comentario
" Piensa si lo que vas a decir es más hermoso que el silencio"