O GAITEIRO
Anda o gaiteiro na aldea
aínda que eu non o vin
os sons doces, garuleiros
da súa gaita sentín.
Gaitiña, gaita galega
alma musical da terra,
polos camiños do vento
chegas de lonxe, xemendo.
No teu fol, gaita grileira,
ferven notas a cachón,
na gaiola do punteiro,
máxicas maus de gaiteiro
fían fermosas cancións.
No ergueito roncón, de buxo,
do farrapo pendurados,
sorrisos levas de mozas,
señardades e salaios.
Toca esa gaita, gaiteiro!
que cando te oio tocar,
esas meiguiñas muiñeiras,
espertan meus soños ledos
da miña edade primeira;
da mocedade, trouleos,
de vendimas e esfolladas,
de magostos, de fiadeiros...
festiñas da miña aldea.
Pepita Nóvoa
2 comentarios:
Coa magua de que non te oio tocar Gaiteiro,na miña aldea.
Felicidades Pepita unha aperta .
Precioso Pepita, como todos tus trabajos relacionados con situaciones y personajes de la tierra. Felicidades, Ceneme
Publicar un comentario
" Piensa si lo que vas a decir es más hermoso que el silencio"