PREGUNTO SI ESTOU VIVO
Pregunto si estou vivo
ó Cosmos que me leva...
E preguntando sigo
se acaso morto estou
a ese Cosmos vello
que, ausente de palabras,
empúrranos a morte.
Soñar durante o día
os soños da noitiña,
e nesa noite escura
deixar que veñan presto
lumieiras prodixiosas
no limpo amencer.
Vivir... Morrer... Soñar
a dúbida antiga
dun Hamlet coxigoso.
Importa si estou vivo
o acaso morto estou?
Soamente son pantalla
que enfronta seu contrario
e nela se verá
se hai luz aló no Oriente
ou só escuridade
Xosé Carlos O'Framinor (+)
(Primera Antología del Grupo Poético Brétema)
No hay comentarios:
Publicar un comentario
" Piensa si lo que vas a decir es más hermoso que el silencio"